Արեւմտյան Հայաստանի Ազգային Ժողովի (Խորհրդարանի) հայտարարությունը

հույների ցեղասպանության դատապարտման մասին

Առաջնորդվելով՝ ՄԱԿ-ի «Ցեղասպանության հանցագործությունը կանխարգելելու եւ դրա համար պատժի մասին» (9-ը դեկտեմբերի 1948 թ.) եւ «Պատերազմի հանցագործությունների եւ մարդկության դեմ հանցագործությունների նկատմամբ վաղեմության ժամկետ չկիրառելու մասին» (26-ը նոյեմբերի 1968 թ.) կոնվենցիաների պահանջներով,

Արեւմտյան Հայաստանի Ազգային ժողովը դատապարտում է 1916-1923 թթ. թուրքական իրարհաջորդ կառավարությունների կողմից Փոքր Ասիայում իրականացված հույների ցեղասպանությունը:

Արեւմտյան Հայաստանի Ազգային ժողովը զորակցում է հույն բարեկամ ժողովրդին նրա իրավունքների պաշտպանության հարցերում եւ աջակցում ցեղասպանության հետեւանքների վերացման ու արդարության հաստատման գործում:

Արմեն Տեր-Սարգսյան

Արեւմտյան Հայաստանի Ազգային ժողովի (Խորհրդարանի) Նախագահ

28.03.2015թ.

Արեւմտյան Հայաստանի Ազգային Ժողովի (Խորհրդարանի) հայտարարությունը

ասորիների ցեղասպանության դատապարտման մասին

Առաջնորդվելով՝ ՄԱԿ-ի «Ցեղասպանության հանցագործությունը կանխարգելելու եւ դրա համար պատժի մասին» (9-ը դեկտեմբերի 1948 թ.) եւ «Պատերազմի հանցագործությունների եւ մարդկության դեմ հանցագործությունների նկատմամբ վաղեմության ժամկետ չկիրառելու մասին» (26-ը նոյեմբերի 1968 թ.) կոնվենցիաների պահանջներով,

Արեւմտյան Հայաստանի Ազգային ժողովը դատապարտում է 1915-1923 թթ. թուրքական իրարհաջորդ կառավարությունների կողմից Միջագետքում իրականացված ասորիների ցեղասպանությունը:

Արեւմտյան Հայաստանի Ազգային ժողովը զորակցում է ասորի բարեկամ ժողովրդին նրա իրավունքների պաշտպանության հարցերում եւ աջակցում ցեղասպանության հետեւանքների վերացման ու արդարության հաստատման գործում:

Արմեն Տեր-Սարգսյան

Արեւմտյան Հայաստանի Ազգային ժողովի (Խորհրդարանի) Նախագահ

28.03.2015թ.

Դիմում ՄԱԿ-ի Անվտանգության Խորհրդին (2015թ. մարտի 17-ին Կարսում կազմակերպված TANAP խողովակաշարի կառուցման մեկնարկի արարողության կապակցությամբ)

Արեւմտյան Հայաստանի Ազգային ժողովն իր բողոքն է հայտնում Թուրքիայի Հանրապետության եւ Ադրբեջանի Հանրապետության կառավարությունների կողմից 2015-ի մարտին 17-ին Կարսում կազմակերպված TANAP խողովակաշարի կառուցման մեկնարկի արարողության կապակցությամբ եւ հիշեցնում է՝

որ համաձայն ՄԱԿ-ի «Բնիկ ժողովուրդների իրավունքների մասին» 2007 թ. սեպտեմբերի 13-ի Հռչակագրի դրույթների վերոհիշյալ հանրապետությունների կառավարությունները այդպիսի մի քայլ ձեռնարկելուց առաջ պարտավոր էին ստանալ տարածաշրջանի բնիկների, մասնավորապես՝ հայերի ազատ, տեղեկացված նախնական եւ համաձայնությունը, այդ հարցում,

որ համաձայն 1920 թ. օգոստոսի 10-ին ստորագրված Սեւրի դաշնագրի Կարսը եւ հարակից տարածքները Հայաստան պետության մաս են կազմում,

որ համաձայն 1920 թ. նոյեմբերի 22-ին ԱՄՆ 28-րդ Նախագահ Վուդրո Վիսոնի կայացրած Իրավարար վճռի՝ Թուրքիայի եւ Արեւմտյան Հայաստանի միջեւ սահմանազատման վերաբերյալ, Կարսը եւ հարակից տարածքները Հայաստան պետության մաս են կազմում:

Ըստ այդմ, այդ տարածքներում այլ պետությունների կողմից իրականացվող այն ապօրինի մեծածավալ ծրագրերն ու նախագծերը, որոնք առնչվում են տարածաշրջանի բնիկներին, մասնավորապես հայերի, ինչպես նաեւ Հայաստան պետության շահերին, չեն կարող իրավաչափ եւ օրինական համարվել,

ըստ այդմ, ՄԱԿ-ի Անվտանգության Խորհրդին եւ ՄԱԿ-ի համապատասխան կառույցներին խնդրում ենք վճռական միջոցներ ձեռնարկել Թուրքիայի Հանրապետության եւ Ադրբեջանի Հանրապետության կառավարություների կողմից իրականացվող TANAP խողովակաշարի կառուցման ծրագիրը կասեցնելու ու դադարեցնելու ուղղությամբ:

Հիշեցնենք, որ Արեւմտյան Հայաստանի հայերի իրավունքի եւ կամքի համաձայն 2011 թ. փետրվարի 4-ին ստեղծվել է Արեւմտյան Հայաստանի Վտարանդի Կառավարությունը, 2014 թ. հունվարի 20-ին համընդհանուր ընտրությունների հիմքի վրա ձեւավորվել Արեւմտյան Հայաստանի Ազգային ժողովը (Խորհրդարանը), որն էլ ընտրել է Արեւմտյան Հայստանի Հանրապետության նախագահ, այդպիոսվ ամբողջացնելով եւ ավարտին հասցնելով Արեւմտյան Հայաստանի Հանրապետության՝ Հայաստան պետության պետական կառույցների վերջնական ձեւավորումը:

Արմեն Տեր–Սարգսյան

Արեւմտյան Հայաստանի Ազգային Ժողովի (Խորհրդարանի) Նախագահ

20.03.2015թ.

Բոլիվիայի Բազմազգ  Պետության Սենատի Նախագահ Տիկին Սոնիա Գվարդիա Մելգարին

Հարգելի Նախագահ

Խորին շնորհակալություն ենք հայտնում Բոլիվիայի ժողովրդին, Խորհրդարանին եւ պետությանը՝ Հայերի ցեղասպանությունը ճանաչող, հանցագործությունը դատապարտող եւ Հայ ժողովրդին զորակցություն հայտնող բանաձեւի համար:

Հայերի ցեղասպանությունը ճանաչող եւ դատապարտող շատ բանաևեւեր կան ընդունված տարբեր պետությունների եւ խորհրդարանների կողմից: Նրանց մեկ մասը մասամբ արտահայտում է խնդրի բովանդակությունը, կան որ չեն արտահատում դա:

Հատկապես բարձր ենք գնահատում Բոլիվիայի Խորհրդարանի ընդունած բանաձեւի բովանդակությունը, որը ճշգրիտ է արտահայտում Հայերի ցեղասպանության եւ Արեւմտյան Հայաստանի հայերի իրավունքների վերաբերյալ իրողությունները:

Ավելին` մենք շնորհակալ ենք ձեւակերպման այն մասի համար, որտեղ նշված է. «Բոլիվիայի Օրենսդիր Ժողովը կիսում եւ զորակցում է հայ ժողովրդի պահանջատիրական պայքարը՝ հանուն մարդու իրավունքների պաշտպանության, ճշմարտության եւ արդարության հաստատման: Նա հայտարարում է իր զորեղ հանձնառությունը մարդու իրավունքների եւ արդարության պաշտպանության ուղղությամբ եւ դատապարտում Հայ ժողովրդի դեմ գործադրված Ցեղասպանության եւ կրած տառապանքների ժխտման քաղաքանությունը»:

Հարգելի Նախագահ

Մենք ամուր սեղմում ենք մեզ մեկնած Ձեր ձեռքը եւ հայտնում, որ Արեւմտյան Հայաստանի Ազգային Ժողովը (Խորհրդարանը) եւ Արեւմտյան Հայաստանի Վտարանդի Կառավարությունը պատրաստ են բոլոր մակարդակներում համագործակցության` ի խնդիր բոլոր ժողովուրդների ու պետությունների կենսական իրավունքների պաշտպանության, հաստատման ու պահպանման:

Ընդունեք խնդրեմ մեր խորին հարգանքի հավաստիքը:

Արմեն Տեր–Սարգսյան

Արեւմտյան Հայաստանի Ազգային Ժողովի (Խորհրդարանի) Նախագահ

27.12.2014թ.