Ծննդյան 65-ամյակի առթիվ Ռուսաստանի գիտությունների ակադեմիայի գիտական ​​խորհրդի անդամ և ակադեմիայի էկոնոմետրիկայի, որակաչափության և գնահատման խնդիրների բաժանմունքի ակադեմիկոս-քարտուղար, Տնտեսագիտության և Խաղաղության Նոբելյան մրցանակների հավակնորդ, ակադեմիկոս, տնտեսական գիտությունների դոկտոր պրոֆեսոր Մարտիկ Յուրիկի Գասպարյանը արժանացել է «ԳԻՏՈՒԹՅԱՆ ԵՎ ԱՐՎԵՍՏԻ ԱՍՊԵՏ» պատվավոր կոչման և կրծքանշանի՝ իր բազմամյա հիմնարար հետազոտությունների համար. Continue reading

Նոր Սահմանադրությունը չպետք է հղում պարունակի անկախության հռչակագրին։ Այս մասին ֆեյսբուքյան իր էջի ուղիղ եթերում հայտարարել է վարչապետ Նիկոլ Փաշինյանը։

«Ես իմ դիրքորոշումն այս հարցի վերաբերյալ արտահայտել եմ հստակ՝ ասելով, որ նոր Սահմանադրությունը չպե՛տք է հղում պարունակի Անկախության հռչակագրին։ Իսկ ի՞նչ հիմնավորում ունի դա։ Երեկ էլ ես խոսեցի և վերջին տարիներին ես խոսում եմ Ղարաբաղի շարժումը չշարունակելու անհրաժեշտության մասին։ Եթե մենք այսօր ընդունենք նոր Սահմանադրություն, և այդ Սահմանադրության տեքստի մեջ լինի հղում Անկախության հռչակագրին, դա նշանակում է, որ մենք շարունակում ենք Ղարաբաղյան շարժումը: Եթե շարունակում ենք Ղարաբաղյան շարժումը, դա նշանակում է, որ վերսկսում ենք կոնֆլիկտն Ադրբեջանի հետ: Եթե վերսկսում ենք կոնֆլիկտն Ադրբեջանի հետ, դա նշանակում է արդեն, որ խաղաղությունը հնարավոր չէ», – հայտարարել է Փաշինյանը՝ հավելելով, որ դա նշանակում է ընդունել Արևմտյան Հայաստանի, ծովից ծով Հայաստանի մասին խոսույթը:

Ըստ նրա՝ հարցի նրբությունն այն է, որ սա գործնականում նշանակում է բացառել «Արևմտյան Ադրբեջանի», «Արևելյան Թուրքիայի» և նմանատիպ այլ խոսույթների շուրջ քննարկումները։

Մեկնաբանելով այն պնդումները, որ դա Ադրբեջանի պահանջն է, Փաշինյանը նշել է, որ մենք պետք է ինքներս մեզ հարցնենք՝ ուզո՞ւմ ենք սա, թե՞ ոչ։ «Ես հստակ արձանագրել եմ, որ մենք Ղարաբաղի շարժումը չպետք է շարունակենք, մենք Ղարաբաղի շարժումը պետք է դադարեցնենք, այսինքն՝ այսօր Հայաստանում Ղարաբաղի շարժումը դադարեցված է՝ առնվազն պաշտոնական և ժողովրդական մակարդակով։ Հայաստանը ժողովրդավարական պետություն է, եթե Հայաստանի Հանրապետության քաղաքացիները կորոշեն այլ կերպ, բնականաբար, ես՝ որպես Հայաստանի վարչապետ, և «Քաղաքացիական պայմանագիր» կուսակցությունը այդ որոշումը կընդունենք ի գիտություն», – խոստացել է Փաշինյանը՝ վստահեցնելով, որ կասկածի տակ չի դնում ժողովրդի որոշումներ կայացնելու իրավունքը։ «Բայց մենք նաև պարտավոր ենք՝ որպես ՀՀ քաղաքացիների մանդատն ունեցող քաղաքական ուժ, ներկայացնել քաղաքական այն բովանդակությունը կամ բովանդակության ընկալումը, որը մենք ձևավորել ենք նաև փորձի ընթացքում, որը ձևավորել ենք նաև վերջին 8 տարվա մեր գործունեության արդյունքում»։

Փաշինյանի կարծիքով՝ ընտրություններում «եռագլուխ կուսակցության» հաղթանակը կնշանակի շարժման վերսկսում։ Նա նշել է, որ «Քաղաքացիական պայմանագիրը» միակ քաղաքական ուժն է, որը հստակ հայտարարում է Հռչակագրի շուրջ քննարկումներից հրաժարվելու անհրաժեշտության մասին։ «Մենք պետք է հստակ և անկեղծ կենտրոնանանք «Իրական Հայաստանի» գաղափարախոսության վրա», – ընդգծել է Փաշինյանը, հավելելով, որ կրծքին կրում է Հայաստանի պատկերը՝ ցույց տալու համար, որ անհրաժեշտ է կենտրոնանալ ՀՀ միջազգայնորեն ճանաչված տարածքում ժողովրդի բարեկեցության և անվտանգության ապահովման վրա։ Այս համատեքստում նա նշել է, որ նախօրեին ևս խոսել է այն մասին, որ բանակը չի կարող օգտագործվել սուվերեն տարածքից դուրս, բացառությամբ խաղաղապահ առաքելություններին մասնակցելու դեպքերի։

Ըստ Փաշինյանի՝ քաղաքացիներն ընդունում են «Իրական Հայաստանի» գաղափարը, «հակառակ դեպքում ես հիմա վարչապետ չէի լինի»։ Զարգացնելով միտքը՝ նա հավաստիացրել է, որ դեռ 2024 թվականին, ներկայացնելով «Իրական Հայաստանի» հայեցակարգը, ժողովրդին կոչ է արել՝ համաձայն չլինելու դեպքում հեղափոխություն անել և իրեն զրկել վարչապետի պաշտոնից։ «Առաջիկա ընտրություններում էլ այդ հնարավորությունը Հայաստանի քաղաքացիները ունեն։ Բայց նաև Հայաստանի քաղաքացիները ունեն իրականացնելու այդ պատմաքաղաքական հեղափոխությունը, երբ մենք կենտրոնանում ենք մեր ինքնիշխան պետության շահերի վրա և գործում ենք բացառապես այդ շահերի, այսինքն՝ Հայաստանի քաղաքացիների անվտանգության, բարեկեցության, խաղաղության շահերի համար և սա պատմական ընտրություն է, որովհետև վերջին հարյուրամյակներում առաջին անգամ մենք ունենք հնարավորություն, որ ոչ թե մեր շահերը արտապատվիրակենք ուրիշներին, այլ որպեսզի նրանք իրենց հերթին այդ շահերն օգտագործեն իրենց նպատակների համար՝ մեզ զոհաբերելով, մենք հնարավորություն ունենք կենտրոնանալ, առերեսվել մեր խնդիրներին, մեր միջավայրում ձեռք բերել պայմանավորվածություններ և այլն։ Ղարաբաղյան շարժման ավարտ նշանակում է նաև «Արևմտյան Ադրբեջանի» խոսույթի ավարտ և այդ կարգի խոսույթների ավարտ։ Եվ սա պատմական հնարավորություն է բոլորի համար։ Ոչ միայն Հայաստանի համար, սա պատմական հնարավորություն է տարածաշրջանի համար», – հայտարարել է Փաշինյանը՝ հավելելով, որ ոչ ոք չի կարող մերժել նման առաջարկը։

Անդրադառնալով Լեռնային Ղարաբաղից տեղահանվածների թեմային՝ Փաշինյանը հայտարարեց, որ այդ հարցը նույնպես պետք է փակել, ընդ որում՝ հենց փախստականների շահերից ելնելով։ «Ինչքա՞ն պետք է Ղարաբաղի ժողովրդին պահենք պատանդի կարգավիճակում։ Ավելի քան 30 տարի Ղարաբաղի մեր ժողովուրդը լիարժեք կյանքով չի ապրել․ անընդհատ անորոշության մեջ, ինչ-որ առումով քաղաքական պատանդի կարգավիճակով»,- նշել է վարչապետը՝ հավելելով, որ այդ մարդիկ պետք է հաստատվեն Հայաստանում՝ բոլոր հայերի հայրենիքում։ Փաշինյանը հավաստիացրել է, որ Սահմանադրության հարցը ՀՀ իշխանությունները չեն քննարկում որևէ արտաքին դերակատարի հետ։ «Սա ներքին օրակարգ է, բայց նաև ակնհայտ է, որ նոր Սահմանադրության ընդունումը կունենա մեծ տարածաշրջանային և միջազգային նշանակություն»,- եզրափակեց նա։

Նա հիշեցրեց, որ ինքն էլ է իր առաջին քաղաքական քայլերն արել Ղարաբաղյան շարժման մեջ, սակայն այժմ, ստանձնելով վարչապետի պաշտոնն ու խորասուզվելով հարցի նրբությունների մեջ, հանգել է այն եզրակացության, որ շարժումը դրսից է խթանվել՝ ներքին դերակատարների միջոցով։ Ըստ նրա՝ Ղարաբաղյան շարժումն անկախության առաջին իսկ օրերից օգտագործվել է պետության կայացմանը խոչընդոտելու և երկրի անվտանգությունը հարվածի տակ դնելու համար։ «Ղարաբաղյան շարժումն ու անվտանգությունն անհամատեղելի են»,- հայտարարեց Փաշինյանը՝ նշելով, որ անցած տասնամյակների ընթացքում խաղաղություն չի եղել, այլ եղել են տարբեր ինտենսիվության պատերազմներ։ «Խաղաղությունը բարդ քայլեր է պահանջում։ Պետք է ուղիղ ասեմ՝ գլուխ խոնարհելով ու ծնկի գալով զոհվածների առջև՝ ես հպարտ եմ, որ իմ մեջ ուժ գտա դեմ առ դեմ կանգնելու այս հարցերին, բարձրաձայնելու բաներ, որոնք վերջին հարյուրավոր տարիներին մեր իրականության մեջ տաբու են եղել, և դրա շնորհիվ է, որ մենք այսօր խաղաղություն ունենք։ Ընտրությունը մերն է՝ ո՞ր ճանապարհով գնալ՝ խաղաղությա՞ն, թե՞ կոնֆլիկտի և դեպի պատմական աղետալի շրջափուլ վերադարձի»,- հայտարարել է Փաշինյանը։

Երբ ԱՄՆ նախագահ Դոնալդ Թրամփը ներկայացրել է իր «Խաղաղության խորհուրդը» (Council of Peace)՝ միայն հրավիրյալների համար նախատեսված երկրների մի խումբ, որը խոստանում է նպաստել համաշխարհային կայունությանը՝ անմիջապես հեգնանք ի հայտ եկավ։ Այս մասին The Washington Times (WT) պարբերականի խմբագրության Continue reading

Եվրամիությունը պատրաստվում է օգնել Հայաստանին հունիսին նախատեսված խորհրդարանական ընտրություններում Ռուսաստանի միջամտությունից խուսափելու համար՝ նախ տեղակայելով Կրեմլի ապատեղեկատվության դեմ պայքարող «հիբրիդային արագ արձագանքման խումբ», ապա հնարավոր է՝ Հարավային Կովկասի այս երկրում ավելի մշտական Continue reading

Հայաստանյայց Առաքելական Սուրբ Եկեղեցու Ամենայն Հայոց Կաթողիկոսության Եպիսկոպոսաց հավաքը հանդես եկավ հայտարարությամբ․

2026 թ․փետրվարի 17-19-ին Continue reading

Ամեն ջանք գործադրելու ենք մեր ժողովրդի՝ Արցախ վերադառնալու և ինքնորոշման անքակտելի իրավունքները լիարժեքորեն իրացնելու համար: Այս մասին ասված է Արցախի ԱԺ-ի տարածած հայտարարության մեջ:

«Սիրելի’ հայրենակիցներ

ԱՄՆ նախագահ Դոնալդ Թրամփը Խաղաղության խորհրդի առաջին նիստում կրկին խոսել է հայ–ադրբեջանական հարաբերությունների մասին՝ հայտարարելով, որ Հայաստանի ու Ադրբեջանի նախագահները դարձել են «լավ ընկերներ»։ Continue reading

Մեկ դարից ավելի Օսմանյան կայսրության կողմից 1.5 միլիոն հայերի համակարգված ոչնչացումը հաստատված պատմական փաստ է, որը ճանաչվել է գիտնականների և աշխարհի անթիվ ազգերի կողմից: Այնուամենայնիվ, ամերիկյան իշխանության միջանցքներում այս ողբերգությունը վաղուց շահագործվել է այլ նպատակներով՝ որպես հարմար, ցինիկ, երկկուսակցական քաղաքական խաղ՝ քմահաճ Continue reading

ՀՀ գլխավոր դատախազությունը քրեական գործ է հարուցել Հայ Առաքելական եկեղեցու առաջնորդ Գարեգին Բ-ի դեմ և արգելել է նրան լքել երկիրը: Այս մասին փետրվարի 14-ին հայտնել է կաթողիկոսի փաստաբան Արա Զոհրաբյանը: «Դատական ​​ակտի կատարմանը խոչընդոտելու» պաշտոնական մեղադրանքով վարչապետ Նիկոլ Փաշինյանը փորձում է վերացնել իր գլխավոր Continue reading

Մայր Աթոռ Սուրբ Էջմիածինը խստորեն դատապարտում է և խորը վրդովմունք հայտնում ՀՀ դատախազության կողմից Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի նկատմամբ քրեական հետապնդում հարուցելու և Continue reading