Արեւմտեան Հայաստանի Հանրապետութեան Կառավարութեան անցած ճանապարհի եւ նոր հեռանկարների մասին
Ներկայ գործընկերներից, ընկերներից ու համակիրներից շատերն են ականատես այն դժուարին ճանապարհի, որ անցել է Արեւմտեան Հայաստանի Հանրապետութեան Կառավարութիւնը ստեղծման օրից` 4 փետրուար 2011-ից մինչեւ այսօր, այս հինգ տարիների ընթացքում: Աւելին` նրանցից շատերը դրա մասնակիցներն են: Եւ լաւ օրէր ենք ապրել միասին եւ վատ, եւ իսկապէս շատ վատ, բայց դիւրին իրավիճակներ չենք տեսել ու չենք ապրել:
ԱՀՀ Կառավարութիւնը մշտապէս կրել է այն ծանր պատասխանատուութիւնն ու պարտաւորեցնող դիրքը, ինչի կոչուած է եղել ի սկզբանէ: Մշտապէս ներկայ է եղել ու եղել առաջին դիրքերում` այնտեղ, որտեղ նախաձեռնութիւնների կարիքն է զգացուել, օր ու գիշեր տքնել է այնտեղ, որտեղ դրա պահանջն է զգացուել, պաշտպանել է այնտեղ, որտեղ դրա անհրաժեշտութիւնն է եղել:
Սակայն դա մի ամբողջական ռազմավարութիւն է եղել:
Հայ ժողովրդի իրաւունքների պաշտպանութեան գործընթացում, Արեւմտեան Հայաստանի հայերի պաշտպանութեան խնդիրներում առաջին կարեւորութեան հարցը իրաւունքների պաշտպանութեան իրաւական, քաղաքական եւ բովանդակային փաթեթի ձեւաորումն ու ամբողջացումն է, որի սկիզբը դրուել է 2004 թ. Արեւմտեան Հայաստանի Ազգային Խորհրդի կողմից, իսկ շարունակութիւնը լրացուել ու ամբողջացուել Արեւմտեան Հայաստանի Ազգային Խորհրդի, ԱՀՀ Նախագահի համակարգի, ԱՀՀ Կառավարութեան ԱՀՀ Խորհրդարանի սերտ ու կառուցողական համագործակցութեան միջոցով:
Այն ինչ ստեղծուել ու ձեւաւորուել, այն ինչ մենք այսօր կոչում ենք` «արեւմտեան Հայաստանի հայերի եւ Արեւմտեան Հայաստանի իրաւունքների պաշտպանութեան իրաւական-քաղաքական միասնական փաթեթէ, իրականում հիմքն է ԱՀՀ ռազմավարութեան եւ բնականաբար հիմքն է ԱՀՀ Սահմանադրութեան: Հիմքն է ԱՀՀ Մայր օրէնքի, որպէս Հռչակագիր ու Հռչակագրեր եւ հիմքն է ԱՀՀ Գլխաւոր օրէնքի, որպէս Սահմանադրութիւն:
Յաջորդ խնդիրը ԱՀՀ պետական կառոյցների ձեւաւորումն է, որը հակառակ ամէն տեսակ դժուարութիւնների ու ընդդիմադրութեան` յաջողութեամբ շարունակւում է
ԱՀՀ Բիւջեյի մասին: ԱՀՀ Բիւջեյի մեծ ծրագիրը մշակուած է եւ ներկայացուած ԱՀՀ Խորհրդարան եւ ԱՀՀ Նախագահին: Դրանից բացի ԱՀՀ տարեկան բիւջեյի յօդուածները քննարկուել են նաեւ ըստ նախարարութիւնների: Բիւջեյից բացի մենք մէկ այլ կարեւոր խնդիր եւս ունենք:
Ասում եմ մենք` նկատի ունենալով ԱՀՀ ամբողջ համակարգը: Եւ դրա մէջ, այսօր արդէն, ԱՀՀ Կառավարութեան խնդիրն է, ռազմավարական խնդիրը, ԱՀՀ ռազմավարութեան հիմքների հիման վրայ` բովանդակային, ծաւալուն ու խորը համագործակցութիւն հաստատելը Հայկական Հարցի լուծմանը համախոհ ու դաշնակից պետութիւնների կառավարութիւնների հետ: Սա է մեր գլխաւոր խնդիրը առաջիկայ տարուայ, նոյնիսկ առաջիկայ տարիների համար, նկատի ունենալով զարգացումների այն բուռն թափն ու արագութիւնը, որ տեղի է ունենում մեր տարածաշրջանում, Մերձաւոր Արեւելքում, Արեւմտեան Հայաստանում: Նկատի ունենալով եւ խնդիրները եւ մարտահրաւէրները, որոնք վերաբերում են Հհ-ին, Արցախին, Մերձաւոր Արեւելքում եւ Արեւմտեան Հայաստանում ապրող հայութեանը:
Երբ ձեռնարկում էինք այս զեկոյցի շարադրմանը, մի պահ մտածեցինք, թէ այդ ի՞նչ կարեւոր գործեր են իրականացուել 2016-ի ընթացքում ֆինանսական այս սուղ պայմաններում, որ հիմա դրա մասին յիշենք ու ներկայացնենք: Սակայն ընթացքում պարզուեց, որ տարին բաւական բովանդակային ու յագեցած է եղել հասարակական – քաղաքական նշանակութեան հանդիպումներով ու բանակցութիւններով, հրատարակութիւններով, համաժողովներով ու դրանց մասնակցութեամբ, քարոզչական լայնածաւալ աշխատանքներով: Դրանք այնքան շատ են, որ հաշուի առնելով նաեւ այն փաստը, որ մեր գործընկերներից շատերը դրանց մասին առանձին-առանձին կը խօսեն, ես կանգ առնեմ մի քանիսի վրայ:
2016-ին հրատարակուեց Արեւմտեան Հայաստանի հայերի իրաւունքների պաշտպանութեան ժողովածուի անգլերեն օրինակը: Աւարտուեց ժողովածուի ֆրանսերեն եւ թուրքերեն օրինակների թարգմանութիւնը եւ դրանք ուղարկուեցին լրացուցիչ սրբագրութեան: Ծրագրում է ժողովածուի արաբերեն եւ իսպաներեն լեզուներով թարգմանութիւնը:
Միջոցառումներ իրականացուեցին Սոչիում եւ Ռուսաստանի Դաշնութեան այլ համայնքներում, որոնք հնարաւորութիւն տուեցին կրկին հանդիպել հայ համայնքի մեր հայրենակիցներին` ամրապնդելու հին կապերը, ստեղծելու նորերը եւ մեր խօսքը հասցնելու մեր հայրենակիցներին:
Մասնակցեցինք Երեւանում կայացած լրագրողների 8-րդ համաժողովին եւ կարեւոր ուղերձ փոխանցեցինք այնտեղ, նշելով որ Հայաստան-սփիւռք-արցախ եռամիասնութեանը ժամանակն է աւելացնելու 4-րդ բաղադրիչը` Մերձաւոր Արեւելքի եւ Արեւմտեան Հայաստանի հայերի գործօնը:
Արտաքին գործերի նախարար Գառնիկ Սարգիսէանի աշխատանքային այցելութիւնների շրջանակներում կարեւոր հանդիպումներ ու բանակցութիւններ իրականացրինք Մերձաւոր Արեւելքի երկրների հասարակական, քաղաքական, հոգեւոր ու պետական շրջանակներում:
Նախագահի եւ յատուկ յանձնարարութիւններով նախարարի հետ միասին այցելեցինք Արցախ, որտեղ շատ կարեւոր հանդիպումներ ունեցանք Արցախի պետական բարձրաստիճան պաշտօնեաների ու ղեկավարների հետ:
Բնականաբար այս ամէնի արդիւնքում մեծանում է եւ յարաբերութիւնների ու աշխատանքի ծաւալը, եւ Արեւմտեան Հայաստանի հայերի իրաւունքների պաշտպանութեան հնարաւորութիւնները:
Ուստի, այստեղ ամենեւին աւելորդ չէ կրկնել, որ հայ ժողովրդի խնդիրների լուծումը հնարաւոր է Հայկական Հարցի լուծման դէպքում միայն, այդ թւում եւ առաջին հերթին Արեւմտեան Հայաստանի Հանրապետութեան (Հայաստան պետութեան) հաստատումով Արեւմտեան Հայաստանի տարածքի վրայ:
Միշտ ենք նշել, որ յաղթանակը մերն է լինելու, համոզուած ենք, այդպէս է լինելու է:
Ամենայն բարիք ու մեծ յաջողութիւններ Ձեզ յարգելի գործընկերներ, պատգամաւորներ.
Շնորհակալութիւն, ուշադրութեան համար:
Տիգրան Փաշաբեզեան
Արեւմտեան Հայաստանի Հանրապետութեան Վարչապետ
17.12.2016 թ.
Հարգելի Պարոն նախագահ,
Սիրելի գործընկերներ նախ եւ առաջ ես շնորհակալութիւն եմ ուզում յայտնել իմ տէր ու փրկիչ Հիսուս Քրիստոսին, որ հնարաւորութիւն ունեցայ որպէս պատգամաւոր մասնակցելու Արեւմտեան Հայաստանի Ազգային Ժողովի (Խորհրդարան) 4-րդ նստաշրջանին: Շարունակելով խօսքս շնորհակալութիւն եմ յայտնում Խորհրդարանի նախագահ պարոն Արմէն Տէր-Սարգսեանին այս նստաշրջանը անցկացումը նախաձեռնելու եւ մեր կատարուած աշխատանքները ներկայացնելու հնարաւորութիւնը ընձեռելու համար: Այս տարուայ կատարած աշխատանքներից ուզում եմ առանձնացնել Սամուել Մհերեանի հետ Արեւմտեան Հայաստան այցելութիւնը, որտեղ առիթ ունեցանք ծանօթանալու եւ կապեր հաստատելու մեր հայրենակիցների հետ:
Արեւմտեան Հայաստանի Ազգային Ժողովի (խորհրդարանի) 4-րդ նստաշրջանի յարգելի մասնակիցնէր,
Քանի որ անցեալ տարուայ մեր նախագիծը ֆինանսաւորում չստացաւ, ապա այն չամբողջացաւ ու չկայացաւ: Իրականում մենք ջանք չէինք խնայել, ամէն ինչ պատրաստել էինք, ունէինք սցենարներ, ունէինք նկարահանուած հատուածներ հայկական խորհրդանիշներ հանդիսացող նռան, արեւխաչի, ինչպէս նաեւ մեր մեր պատմամշակութային այլ թեմաների շուրջ: Խօսքս, այո, նաեւ պատմական վաւերագրական ֆիլմի մասին է եւ մշակութային յատուկ ծրագրերի, որոնք արդէն մեր իսկ կողմից մշակուած էին, որոշ հատուածներ նկարահանուած, բայց ինչպէս նշեցի, չկարողացանք այն աւարտել ու տարածել:
