Անգլերեն
Bombshell Interview by Armenian American Broadcasting Host Bedros Hajian Interview of Ray McGovern, Veterans Intelligence Professional For Sanity, and Gerald Pechenuk, West Coast Co-ordinator for Lyndon LaRouche Political Action Committee.
Bombshell Interview by Armenian American Broadcasting Host Bedros Hajian Interview of Ray McGovern, Veterans Intelligence Professional For Sanity, and Gerald Pechenuk, West Coast Co-ordinator for Lyndon LaRouche Political Action Committee.
Միջազգային գործողութիւն` գնահատելու Կարօ Փայլանի ծառայութիւններն ու արժանիքները, եւ պաշտպանելու մարդասերին ու Թուրքիայի Հանրապետութիւնում մարդու իրացունքների պաշտպանութեան առաջամարտիկին, որպէս տարբեր երկրների իրաւապաշտպանների եւ ակտիւիստների համատեղ գործունէութեան օրինակ:
Եւ Նոբելեան կոմիտէ Խաղաղութեան Նոբելեան մրցանակ շնորհելու առաջարկով Թուրքիայի Հանրապետութեան խորհրդարանի պատգամաւոր (քրդամէտ «ժողովուրդների դեմոկրատական կ’ուսակցութունէ) Կարօ Փայլանին, մարդու` ով ողջ կեանքը նուիրել է հայ եւ միւս բնիկ ժողովուրդների իրաւունքների պաշտպանութեան գործին` տարածաշրջանում, դիմելու մասին:
Սիրելի հայրենակիցներ
Ես Սայիտա Օհանեանն եմ` «Համշէնուհի» համշէնահայերու կանանց միջազգային միութեան ղեկավարը: Մեր կազմակերպութեան նպատակը կանանց իրաւունքներու, հայ ժողովուրդի նկատմամբ անոր բնօրրանին Արեւմտեան Հայաստանի` Համշէնի մէջ, իրականացուած ցեղասպանութեան ճանաչման ու դատապարտման, ինչպէս նաեւ միւս բնիկ ժողովուրդներու իրաւունքներու պաշտպանութիւնն է, որոնք անոնց տրուած են միջազգային իրաւունքի սկզբունքներուն եւ չափանիշներուն համաձայն:
ԽԵՂԱԹԻՒՐՈՒԱԾ ՀԱՐՑԵՐ:
Պարոն Գարնիկ Սարգիսեան ձեր ազդարարուած զկուշացումներ ելոյթը westernarmeniatv կայքէջ, ՈՒՆԿՆԴՐԵՑԻ,
Ահաւասիկ ձեր խօսքերը, բոլոր խանգարող, շեղող, խեղաթիւրող, անհատականութեան տանող, անհատնէր, կողմէր, ուժէր, շարժումնէր, ասկէ հետոյ մեր խիստ հսկողութեան տակ պիտի ըլլան, իրենց իւրաքանչիւր բառը, խօսքը եւ արարքը, մանաւանդ ովքէր կը խօսին Արեւմտեան Հայաստանի Continue reading
1918-1920 թթ.-ին Հայկական Հարցի կարգաւորման ենթատեքստում հայերի իրաւունքների վերաբերեալ կայացուած որոշումների մէջ կարեւոր նշանակութիւն ունի 1918 թ. յունուարի 11-ին Ռուսաստանի Կառավարութեան ընդունած Դեկրետը «Թուրքահայաստանի մասին» («Արեւմտեան Հայաստանի մասին»):
Lրանում է Դեկրետի 100-րդ տարեդարձը եւ ինչպէս մի շարք այլ որոշումների պարագային, այս որոշումը նոյնպէս ընդունուել է, սակայն ցաւօք առ այսօր չի իրականացուել, թէեւ դրանից Դեկրետի նշանակութիւնը հայ ժողովրդի իրաւունքների մասով Հայաստանի նկատմամբ, բնաւ չի նուազում:
Դեկրետում գործածուած են «Թուրքահայաստան», «Թուրքահայաստանի հայեր» ձեւակերպումները, սակայն մենք հասկանալի պատճառներով գործածելու ենք «Արեւմտեան Հայաստան» եւ «Արեւմտեան Հայաստանի հայեր» ձեւակերպումները, որոնք առաւել ճշգրիտ են ազգային, պատմական, իրաւական, քաղաքական, մշակութային ու քաղաքակրթական իմաստներով:
Արեւմտեան Հայաստանի հայերի իրաւունքների մասով Դեկրետը անդրադարձել է մի քանի կարեւոր հարցերի, այդ թւում`
-ճանաչելով Արեւմտեան Հայաստանի հայերի «ինքնորոշման իրաւունքը` ընդհուպ մինչեւ անկախութիւն»,
-«ռուսական զօրքերի դուրսբերումը եւ անյապաղ հայ ազգային միլիցիայի բանակի ստեղծումը` Արեւմտեան Հայաստանի բնակիչների անձնական եւ նիւթական անվտանգութիւնն ապահովելու նպատակով»:
-«հայ փախստականների, ինչպէս նաեւ տարբեր երկրներում սփռուած հայ գաղթականների` անխոչընդոտ վերադարձը Արեւմտեան Հայաստան»:
Ինչպէս տեսնում ենք Դեկրետում նշուած որոշումները արդիական են, դա է պատճառը, որ Արեւմտեան Հայաստանի հայերի իրաւունքների պաշտպանութեան գործում ու գործընթացում Սեւրի խաղաղութեան պայմանագրին ու ԱՄՆ նախագահ Վուդրոյ Վիլսոնի իրականացրած Իրաւարար վճռին զուգահեռ կարեւորում ենք Դեկրետի թե՛ պատմական, թե՛ իրաւական ու քաղաքական նշանակութիւնը մեր ժամանակներում:
Ըստ երեւոյթին Ռուսաստանի Կառավարութիւնը նոյնպէս մեծ նշանակութիւն է տուել փաստաթղթին, քանի որ 1918 թ. յուլիսի 10–ին այն ընդգրկել է Ռուսաստանի առաջին Սահմանադրութեան մէջ, 6-րդ յօդուածում:
Արեւմտեան Հայաստանի Հանրապետութիւնը (Հայաստան) բարձր գնահատելով Ռուսաստանի Կառավարութեան ընդունած «Թուրքահայաստանի մասին» («արեւմտեան Հայաստանի մասինէ) Դեկրետի պատմական նշանակութիւնը եւ արդիականութիւնը 100-ամեայ յոբելեանին նուիրուած կազմակերպում է միջազգային համաժողովներ եւ հեռուստակամուրջ` «Մոսկուայ – Երեւան – Սանկտ Պետերբուրգ – Փարիզ – Դոնի Ռոստով – Լոս Անջելես – Վոլգոգրադ – Բեռլին – Սոչի – Ստոկհոլմ – Երուսաղէմ»` քաղաքական գործիչների, ազգային խորհրդարանների պատգամաւորների, կուսակցութիւնների ներկայացուցիչների, առաջատար հասարակական գործիչների գիտնականների, պատմաբանների, վերլուծական կենտրոնների մասնակցութեամբ:
Յաւելենք նաեւ, որ Հայկական Հարցի վերջնական լուծման եւ Մերձաւոր Արեւելքում կայուն խաղաղութիւն հաստատելու համար հարկաւոր է կեանքի կոչել եւ իրականացնել, ինչպէս Սեւրի Խաղաղութեան պայմանագրի եւ ԱՄՆ նախագահ Վուդրոյ Վիլսոնի Իրաւարար վճռի, այնպէս էլ Ռուսաստանի Կառավարութեան ընդունած «Թուրքահայաստանի մասին» («Արեւմտեան Հայաստանի մասին») այս պատմական Դեկրետի յօդուածները Հայաստանի վերաբերեալ:
Տիգրան Փաշաբեզեան
Արեւմտեան Հայաստանի Հանրապետութեան Վարչապետ
11.01.2018 թ.
Համաձայն
– ՄԱԿ-ի Կանոնադրութեան 51-րդ յօդուածի` «Անհատական եւ հաւաքական ինքնապաշտպանութեան իրաւունքի» մասին, 26 յունիսի 1945 թ.,
– Ռուսաստանի Կառավարութեան Դեկրետի «Թուրքահայաստանի մասին» («Արեւմտեան Հայաստանի մասին»), 11 յունուարի 1918 թ.,
– Դաշնակից Տէրութիւնների Գերագոյն Խորհրդի կողմից դէ ֆակտոյ (de facto) Հայաստան պետութեան անկախութեան ճանաչման, 19 յունուարի 1920 թ.,
– Դաշնակից Տէրութիւնների Գերագոյն Խորհրդի կողմից դէ իւրէ (de jure) Հայաստան պետութեան անկախութեան ճանաչման, 11 մայիսի 1920 թ.,
– Սեւրի խաղաղութեան պայմանագրի, 10 օգոստոսի 1920 թ.,
– ԱՄՆ 28-րդ Նախագահ Վուդրոյ Վիլսոնի կայացրած Իրաւարար վճռի Հայաստանի եւ Թուրքիայի սահմանի վերաբերեալ, 22 նոյեմբերի 1920 թ.,
– ՄԱԿ-ի «Բնիկ ժողովուրդների իրաւունքների մասին» Հռչակագրի, 13 սեպտեմբերի 2007 թ.,
եւ հաշուի առնելով
– ողջ մարդկութեան եւ հայութեան կրած ֆիզիկական, ինչպէս նաեւ հոգեւոր, մշակութային, նիւթական եւ տարածքային կորուստները Առաջին եւ Երկրորդ համաշխարհային պատերազմների ընթացքում, այդ թւում` յատկապէս թուրքական երեք իրար յաջորդող կառավարութիւնների կողմից 1894-1923 թթ. ընթացքում հայերի, ասորիների եւ յոյների ցեղասպանութեան իրականացումը իրենց բնօրրաններում,
– անհերքելի այն իրողութիւնը, որ մարդկութիւնն այսօր գտնւում է հոգեւոր-մշակութային, բարոյահոգեբանական եւ տնտեսական ու քաղաքական խոր ճգնաժամի մէջ, որոնք սպառնում են միջկրօնական ու քաղաքացիական բախումներով, չի բացառւում նաեւ Երրորդ համաշխարհային պատերազմի հրահրմամբ,
– Մերձաւոր Արեւելքում ընթացող ու խորացման ենթակայ ռազմաքաղաքական գործընթացները, որոնք ոչ միայն կարող են, այլեւ արդէն իրապէս սպառնում են ողջ տարածաշրջանին` ինչպէս բնիկ հայութեան, այնպէս էլ մշակութային-քաղաքակրթական ու պետականակերտ ազգերի անվտանգութեանը,
– տարածաշրջանի բնիկ ժողովուրդ հանդիսացող Մերձաւոր Արեւելքի, Սիրիայի ու Արեւմտեան Հայաստանի հայերի, ինչպէս նաեւ Մերձաւոր Արեւելքի միւս բնիկ ժողովուրդների, քրիստոնեաների կեանքի, գոյքի անվտանգութիւնն ապահովելու անհրաժեշտութիւնը, որը փաստացի մինչ այսօր չեն ապահովել գերտերութիւնները եւ որի պատճառով էլ տեղի է ունեցել տարածաշրջանի բնիկ հայերի, ինչպէս նաեւ այլ բնիկների, ժողովուրդների ու քրիստոնեաների նոր բռնագաղթը,
– Մերձաւոր Արեւելքում եւ Սիրիայում համընդհանուր հաշտութիւն ու խաղաղութիւն հաստատելու անհրաժեշտութիւնը, ներկայ պայթիւնավտանգ փուլում առնուազն կանխարգելող անվտանգութեան ու խաղաղութեան կը ղզեակնէր ձեւաւորելու, որոնք առաջիկայում պէտք է դառնան կանխարգելիչ զսպող գործօններ,
– ինչպէս նաեւ վերահաստատելով մեր յանձնառութիւնը հարազատ մնալու ՄԱԿ-ի հռչակած միջազգային սկզբունքներին եւ չափանիշներին, որոնց համաձայն պատրաստակամ ենք հետեւողականօրէն նպաստելու հակամարտութիւնների խաղաղ կարգաւորման սկզբունքին, տարածաշրջանային խաղաղութեանն ու անվտանգութեանը, ապահովելու տարածաշրջանի բնիկների ու ժողովուրդների ազատ զարգացման ու առաջընթացի իրաւունքները,
հիմնուելով
– Արեւմտեան Հայաստանի հայերի Մշտական, զինեալ, դրական չէզոքութեան մասին որոշման վրայ, ընդունուած 29.03.2011 թ.,
– Արեւմտեան Հայաստանի հայերի ինքնապաշտպանութեան ուժերի ստեղծման մասին հրամանագրի վրայ, ընդունուած 26.12.2012 թ.,
– ՄԱԿ–ի Անվտանգութեան Խորհրդին, ՄԱԿ–ի անդամ պետութիւններին, Սեւրի Խաղաղութեան դաշնագիրը ստորագրած պետութիւններին ուղղուած դիմումի, «Մերձաւոր Արեւելքի հայութեան ինքնապաշտպանութեան ուժեր կազմաւորելու մասին» որոշման վրայ, ընդունուած 06.04.2014 թ.,
– Արեւմտեան Հայաստանի Հանրապետութեան Անվտանգութեան Խորհրդի «Արեւմտեան Հայաստանի հայերի Պաշտպանութեան ուժերը կազմաւորելու վերաբերեալ» որոշման վրայ, ընդունուած 08.01.2018 թ.`
Արեւմտեան Հայաստանի Ազգային Ժողովը (Խորհրդարանը)
ՈՐՈՇՈՒՄ Է
1) Հաստատել «Արեւմտեան Հայաստանի հայերի Պաշտպանութեան ուժերը կազմաւորելու վերաբերեալ» որոշման նախագիծը:
2) Դիմել Արեւմտեան Հայաստանի Հանրապետութեան Նախագահին ստորագրելու «Արեւմտեան Հայաստանի հայերի Պաշտպանութեան ուժերը կազմաւորելու վերաբերեալ» օրէնքը,
3) Հաւատարիմ մնալ այն հիմնարար սկզբունքին, ըստ որի` Արեւմտեան Հայաստանի հայերի պաշտպանութեան ուժերը ստեղծւում են բոլոր այն վայրերում, որտեղ համահաւաք ապրում են Արեւմտեան Հայաստանի հայեր, ըստ այդմ` հետեւելով հիմնական այն նպատակին, որ անհրաժեշտութեան դէպքում ստեղծուող ուժերը մասնակցելու են ոչ միայն տեղի հայութեան, այլեւ Հայաստանի պաշտպանութեանը, ըստ անհրաժեշտութեան կազմակերպուած ձեւով ներգրաւուելով նաեւ միջազգային ահաբեկչութեան դէմ պայքարին:
4) Հիմք ընդունել այն սկզբունքը, ըստ որի` Արեւմտեան Հայաստանի հայերի պաշտպանութեան ուժերի միաւորումներ ստեղծուելու են տարածաշրջանային սկզբունքով` Արեւմտեան Հայաստանի Հանրապետութեան Անվտանգութեան խորհրդի ու Արեւմտեան Հայաստանի Հանրապետութեան Պաշտպանութեան նախարարութեան հրամանատարութեան ներքոյ:
5) Սոյն որոշման մասին տեղեակ պահել ՄԱԿ–ի Անվտանգութեան Խորհրդին, ՄԱԿ–ի անդամ պետութիւններին, Սեւրի Խաղաղութեան դաշնագիրը ստորագրած պետութիւններին:
Արմէն Տէր-Սարգսեան
Արեւմտեան Հայաստանի Ազգային Ժողովի (Խորհրդարանի) Նախագահ
Դիանայ Գրիգորեան
Արեւմտեան Հայաստանի Ազգային Ժողովի (Խորհրդարանի) Քարտուղար
10 յունուար 2018 թ.
ՈՐՈՇՈՒՄ
«Արեւմտեան Հայաստանի հայերի Պաշտպանութեան ուժեր կազմաւորելու վերաբերեալ»
Ընդունուած Արեւմտեան Հայաստանի Ազգային ժողովի (Խորհրդարանի)
10 յունուարի 2018 թ. նիստում, որոշում № 01/2018
Համաձայն
– ՄԱԿ-ի Կանոնադրութեան 51-րդ յօդուածի` «Անհատական եւ հաւաքական ինքնապաշտպանութեան իրաւունքի» մասին, 26 յունիսի 1945 թ., Continue reading