Արցախի մասին ֆիլմը ընդգրկվել է Կաննի 73-րդ կինոփառատոնի ծրագրում

Ռեժիսոր Նորա Մարտիրոսյանի «Եթե քամին վրա հասնի» ֆիլմն ընդգրկվել է Կաննի 73-րդ կինոփառատոնի ծրագրում։ Ժապավենը Հայաստանի, Բելգիայի եւ Ֆրանսիայի համատեղ արտադրություն է։

Կորոնավիրուսի համավարակի պատճառով Կաննի 73-րդ կինոփառատոնը չի կայացել ավանդական ձեւաչափով։ Այս իրավիճակում փառատոնի ղեկավարությունն այլ քայլի է դիմել. հայտարարվել են ֆիլմերը, որոնք ներառվել են ծրագրում են որոնք «Կանն-2020» ապրանքանիշի ներքո կցուցադրվեն աշնանային փառատոններում։

Բոլոր ֆիլմերը, որոնք ընտրվել էին չեղարկված փառատոնին ցուցադրելու համար, հայտարարվել են ընդհանուր ցուցակով՝ առանց բաժանելու մրցութային եւ այլ ծրագրերի։ Կինոփառատոնի ժյուրիի նախագահ Թյերի Ֆրեմոյի խոսքով՝ դա հանդիսատեսին թույլ կտա անձամբ կազմել Կաննի իդեալական ծրագիր եւ ընտրել, թե որ ֆիլմերն են առավել համապատասխանում տարբեր կատեգորիաների։

News.am

Please follow and like us: