«Թուրքիայի Հանրապետութեան վարած ներկայի նէոօսմանական քաղաքականութիւնը, ըստ էութեան, Օսմանեան Կայսրութեան եւ Թուրքիայի Հանրապետութեան 1894-1923 թթ. վարած քաղաքականութեան կրկնութիւնն է, ինչը մարտահրաւէրներ ու սպառնալիքներ է պարունակում Թուրքիայի Հանրապետութեան մէջ ապրող ժողովուրդների եւ մերձաւորարեւելեան տարածաշրջանի երկրների ու ժողովուրդների համար», – նշում է փորձագէտը:
Արմէն Տէր-Սարգսեան
Մոսկուայ, 18 նոյեմբեր 2016 թ., 11:40 – REGNUM
Թուրքիայի նէոօսմանական քաղաքականութիւնը դրսեւորուեց Իրաքի եւ Սիրիայի պատերազմների ընթացքում, երբ Անկարան բացայայտ օժանդակեց սիրիական ընդդիմութեանը, այդ թւում եւ ահաբեկչական խմբաւորումներին: Այդ մասին յայտարարեց Արեւմտեան Հայաստանի Ազգային Ժողովի նախագահ Արմէն Տէր-Սարգսեանը ելոյթ ունենալով` «Թուրքիայի նէոօսմանական քաղաքականութիւնը. մարտահրաւէրներ ու սպառնալիքներ» անուանումով համաժողովում, որը տեղի ունեցաւ նոյեմբերի 17-ին REGNUM լրատուական կենտրոնում:
Արմէն Տէր-Սարգսեանի բնորոշմամբ` դա արտայայտուեց Սիրիայի հիւսիսային տարածքներ ներխուժման, Հալեպում հումանիտար աղէտի բռնկման, բռնի տեղահանուածների հարցով Եւրոպային ահաբեկելու գործողութիւններում:
«1920 թ. կնքուած Սեւրի խաղաղութեան պայմանագիրը, ըստ էութեան, խաղաղութեան պայմանագիր է եւ դա վաւերացնելու, դրա բոլոր որոշումները յարգելու եւ իրականացնելու միջոցով է հնարաւոր Մերձաւոր Արեւելքում հաստատել կայուն խաղաղութիւն ու իրական համագործակցութիւն: Սեւրի խաղաղութեան պայմանագրի առաքելութիւնը տարածաշրջանի համար աւարտուած չէ: Հայերի, ասորիների, յոյների, ալեւիների, արաբների, քրդերի ու նոյնիսկ թուրքերի իրաւունքները յարգելով եւ դրանք իրականացնելով է հնարաւոր տարածաշրջանում հասնել իրական արդարութեան ու խաղաղ գոյակցութեան», – ընդգծեց փորձագէտը:
https://regnum.ru/news/polit/2206970.html
