Ստամբուլի Ուսկյուդարում գտնվող հայկական Սուրբ Գրիգոր Լուսավորիչ եկեղեցու դռան վրայից անհայտ անձը խաչը պոկել եւ նետել է գետին։
Ինչպես տեղեկացնում է Ստամբուլի հայկական «Ակոս»–ը, մայիսի 26–ի երեկոյան Քուզգունջուքի թաղապետը զանգահարել է Սուրբ Գրիգոր Լուսավորիչ եկեղեցու հիմնադրամի նախագահ Էդվարդ Այվազյանին եւ ասել, որ դռան խաչը գետնի վրա է գտնվում։
Այնուհետ Էդվարդ Այվազյանը գնացել է եկեղեցի եւ վերցրել անվտանգության տեսախցիկի տեսագրությունները, որում երեւացել են թե ինչպես է մի տղամարդ բարձրանում դռան վրա եւ պոկում խաչը։
Դեպքի մասին բացի ոստիկանությանը հայտնելուց տեղյակ են պահել անձամբ նաեւ Ուսքյուդարի ոստիկանապետին՝ հետեւողական լինելու համար։
Կարո Փայլանը եւս անդրադարձել է այս զազրելի դեպքին։
