Վաղվա անցումային կառավարությունը պետք է դառնա հաշտության կառավարություն` ձեւավորվելով բոլոր ունակ եւ ընդունակ, բարձր մասնագիտությամբ մարդկանցով: Այս մասին այսօր` մայիսի 12-ին, Հնարապետության հրապարակում իր ելույթի ժամանակ հայտարարեց Բագրատ Սրբազանը:
Շարունակելով նա ասաց. «Տասերորդ` մեր հարեւանների եւ տարածաշրջանի ստեղծած թշնամական իրադրությունը մեզ ստիպում է դառնալ ոչ սովորական, այլ հատուկ պետություն, որից պետք է բխեն բոլոր հայեցակարգային դրույթները` տարածված ողջ համակարգերի վրա: Կառավարման համակարգ պետք է վերադառնան բոլոր փորձառում մասնագետները` կլինեն զինվորականներ, դիվանագետներ, պետական ծառայության մեջ գտնվող բոլոր անձինք, ովքեր ինքնակամ հեռացել են, կամ անարդարացիորեն հեռացվել են նույնիսկ մեկ լայք դնելու պատճառով: 12-րդ` պետք է նոր հայեցակարգ մշակել Սփյուռքի համար` ներգրավվելով Սփյուռքի բոլոր կարող ուժերը:
Պետք է կասեցվի մի շարք վիճահարույց ծրագրերի իրականացումը` անհեթեթ ակադեմիական քաղաքի կառուցումը, Հայոց լեզուն գիտության ոլորտից դուրս մղելու կառավարությա որոշումը, բանկային գաղտնիքը վերացնելու մասին կառավարության որոշումը, բազմաթիվ այլ ծրագրեր` սկսած տրանսպորտային գներից մինչեւ հրեշավոր այլ թանկացումներ:
Պետք է բանտերից ազատ արձակվեն բոլոր քաղաքական հայցքներով բանտարկյալները, ինչպես նաեւ ամբողջ ջանքը ներդրվի վերադարձնելու Արցախի մեր ռազմաքաղաքակն ղեկավարության եւ բոլոր գերեվարված տղաներին: Զարգացնել եւ մշակել նոր ռազմական դոկտրինը` կանխարգելման եւ որեւէ սպանալիքի դեպքում անհամաչափ հարվածների սկզբունքով»:
«Պարենային անվտանգություն, մեր պայմաններում, որտեղ տեւական շրջափակման սպառնալիքներ են տնտեսությունը դարձնել ինքնաբավ բոլոր ոլորտներում: Գիտելիքի զարգացումը` որպես տնտեսության մեջ առաջնորդող ծրագիր: Մարդու իրավունքները, քաղաքացու ազատությունները, ժողովրդավարական արժեքների հաստատումը` հատուկ ուշադրություն դարձնելով ազգային փոքարամասնություններին` մեր սիրելի համայնքներին: Ես հավատում եմ, որ հոգեւոր Հայաստանը հաղթի թազա Հայաստանին»- եզրափակեց նա:
