1-ին նստաշրջանի մասին

  • 25.06.2016

10269236_658119504237181_1543735645785617885_oԱռաջին նստաշրջան

 

Привет, мир!

  • 25.06.2016

Добро пожаловать в WordPress. Это ваша первая запись. Отредактируйте или удалите её, затем пишите!

Օ Ր Ե Ն Ք «Սեւրի խաղաղության պայմանագիրը վավերացնելու մասին», ստորագրված 10 օգոստոս 1920 թ., Սեւրում

  • 24.06.2016

ԱՐԵՒՄՏՅԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը

Սեւրի խաղաղության պայմանագիրը վավերացնելու մագին, ստորագրված 10 օգոստոս 1920 թ., Սեւրում Continue reading

Արեւմտյան Հայաստանի Հանրապետությունը վավերացրել է Սեւրի խաղաղության պայմանագիրը

  • 24.06.2016

Արեւմտյան Հայաստանի Ազգային Ժողովը (Խորհրդարանը) հայտնում է.

 

նկատի առնելով, որ Սեւրի խաղաղության պայմանագիրը՝ խաղաղության պայմանագիր է,

հաշվի առնելով, որ Սեւրի խաղաղության պայմանագրի ստորագրումից ի վեր Մերձավոր Արեւելքում չեն դադարում զինյալ հակամարտությունները,

հաշվի առնելով, որ Սեւրի խաղաղության պայմանագրի վավերացումը կարող է վճռական քայլ հանդիսանալ Մերձավոր Արեւելքում իրական խաղաղության ու համագործակցության հաստատման,

հաշվի առնելով, որ Սեւրի խաղաղության պայմանագրով են հաստատվել Մերձավոր Արեւելքի պետությունների սահմանները, այդ թվում՝ Հայաստան պետության սահմանը, որի վերաբերյալ կայացվել է Իրավար վճիռ, որը սակայն կյանքի չի կոչվել,

 

առաջարկվել է Արեւմտյան Հայաստանի Հանրապետության Կառավարությանը դիմել Սեւրի խաղաղության պայմանագիրը ստորագրած պետություններին այն վավերացնելու կոչով:

Արեւմտյան Հայաստանի Հանրապետության Նախագահը վավերացրել է.

ա) Սեւրի խաղաղության պայմանագիրը, ստորագրված 10 օգոստոս 1920 թ., Սեւրում, ինչպես նաեւ նույն օրը ստորագրված լրացուցիչ պայմանագրերի Հավելվածները,

բ) լիազորված է հետապնդել ԱՄՆ 28-րդ Նախագահ Վուդրո Վիլսոնի Իրաւարար վճռի Պաշտոնավարության հրամանի իրականացման գործընթացը, ստորագրված 22 նոյեմբեր 1920 թ.:

 

Արեւմտյան Հայաստանի Ազգային Ժողովի (Խորհրդարանի)

Լրատվական ծառայություն

 

24 հունիս 2016 թ.

Արեւմտյան Հայաստանի Խորհրդարանի հայտարարությունը Արցախի դեմ ապրիլյան ագրեսիայի կապակցությամբ

  • 03.04.2016

Արեւմտյան Հայաստանի Ազգային Ժողովը (Խորհրդարանը) խստորեն դատապարտում է Ադրբեջանի Հանրապետության եւ նրա հրահրիչների, աննախադեպ ագրեսիվ եւ անպատասխանատու որոշումը լայնածավալ ռազմական գործողություններ սկսել Լեռնային Ղարաբաղի Հանրապետության դեմ, որը հանգեցրել է Արցախի հետ շփման գծի ողջ երկայնքով եւ Հայաստանի Հանրապետության հետ սահմաններում իրավիճակի կտրուկ սրացման եւ գերաճած ռազմական առճակատման, Continue reading

ԱՀՀ Կառավարության հայտարարությունը Արցախի դեմ ապրիլյան ագրեսիայի կապակցությամբ

  • 02.04.2016

Արեւմտյան Հայաստանի Հանրապետության Կառավարության հայտարարությունը ՀՀ–ի եւ Արցախի սահմաններին ադրբեջանական ագրեսիայի կապակցությամբ

Մերձավորարեւելյան հակամարտության սադրիչներն ու հրահրիչները փորձում են իրենց համար այլեւս վտանգավոր դարձած դիմակայությունը, Թուրքիայի Հանրապետության վրայից՝ Ադրբեջանի Հանրապետության հանցագործ ագրեսիայի միջոցով, փոխադրել ՀՀ – Արցախ սահմաններ ու այդպես խուսափել պատասխանատվությունից: Continue reading

25.03.2015 թ. Արեւմտեան Հայաստանի Խորհրդարանի Նախագահության ընդլայնված նիստի օրակարգ

  • 24.03.2016

Արեւմտեան Հայաստանի Ազգային Ժողովի (Խորհրդարանի) Նախագահության նիստի հրավեր

Նիստը տեղի կունենա չորեքշաբթի օրը, 25-03-2015 թվականին, Skype-ով

Նիստի սկիզբը`
ժամը 23-00-ին, (Հայաստան)
ժամը 22-00-ին, (Ռուսաստան)
ժամը 20-00-ին, (ֆրանսիա)

Հարգելի գործընկերներ, հրավիրում ենք Ձեզ մասնակցելու Արեւմտեան Հայաստանի Ազգային Ժողովի (Խորհրդարանի) Նախագահության նիստին:

Նիստի օրակարգ

  1. Արեւմտեան Հայաստանի Ազգային Ժողովի (Խորհրդարանի) դիմումը ՄԱԿ-ի Անվտանգության Խորհրդին TANAP խողովակաշարի կառուցման բացման կապակցությամբ Կարսում:

    2). Մասնակցություն միջազգային կոնֆերանսներում:

    3). Արեւմտյան Հայաստանի հեռուստաընկերության ստեղծման մասին:

    4). Արեւմտյան Հայաաստանի Ազգային Ժողովի (Խորհրդարանի) հայտարարության նախագիծը հույների եւ ասորիների ցեղասպանության դատապարտման մասին:

    5). Արեւմտյան Հայստանի Ազգային ժողովի հայտարարությւոնը Մայնց Գերմանիա կառույցի ապօրինի գործողությւոնների եւ սադրիչ հայտարարությւոնների վերաբերյալ:

    6). Տարբեր հարցեր:

 

Խնդրում ենք հաստատել Ձեր մասնակցությունը:

Արեւմտյան Հայաստանի Խորհրդարանի Նախագահ`
Արմեն Տեր –Սարգսյան 

Արեւմտյան Հայաստանի Խորհրդարանի քարտուղար`
Դիանա Գրիգորյան

24.03.2015թ.

1-ին նստաշրջան – Արևմտյան Հայաստանի Խորհրդարանի 1-ին գումարման պագտամավորներ (18.01.2014 թ.)

  • 17.01.2016

Արևմտյան Հայաստանի Ազգային Ժողովի (Խորհրդարանի) 1-ին գումարման պագտամավորներ: Լիազորությունները հաստատվել են 18.01.2014 թ. կայացած 1-ին նստաշրջանում:

           Ազգանուն       Անուն

 

Երրորդ նստաշրջանի ուղերձը

  • 28.12.2015

Ուղերձ
Արեւմտյան Հայաստանի Ազգային Ժողովի 3-րդ նստաշրջանի

Վերջին շրջանում, հատկապես 2011-ից հետո ընկած ժամանակահատվածում, երբ սկսվեց սիրական ճգնաժամը, մերձավորարեւելյան տարածաշրջանը եւ աշխարհը ավելի ու ավելի է ներքաշվում մարդկության ու քաղաքակրթության դեմ իրականացված ահաբեկչությունների հորձանուտը:

Արեւմտյան Հայաստանի քաղաքացիները եւ Արեւմտյան Հայաստանի Հանրապետության պետականաստեղծ կառույցները ժամանակին իրենց ցավակցությունը հայտնեցին Սինայի, Բեյրութի, Փարիզի, Մալիի ահաբեկչությունների զոհերի, ինչպես նաեւ ռուսական ՍՈւ-24 ռազմական օդանավի օդաչուների հարազատներին:

Արեւմտյան Հայաստանի Ազգային Ժողովի 3-րդ նստաշրջանը կրկին անդրադառնալով հարցին նշում է,
-ահաբեկչությունը եւ ազգերի ու ժողովուրդների զարգացման, առաջընթացի ու ապագա ունենալու իրավունքը անհամատեղելի իրողություններ են,
-թուրքական զինված ուժերը չեն կարող լինել եւ չեն կարող գործել այն տարածքներում, որոնք 1918-1920 թթ. հատուկ որոշումների ու պայմանագրերի դրույթների համաձայն չեն պատկանում Թուրքիայի Հանրապետությանը,
-Թուրքիայի Հանրապետությանը այլեւս չի կարող ձեւացնել, թե ահաբեկչության դեմ պայքարի ընկերակցության մաս է կազմում, իրականում միաժամանակ օգնելով ու օժանդակելով ահաբեկչության ծավալմանը տարածաշրջանում եւ աշխարհում,

Արեւմտյան Հայաստանի Ազգային Ժողովի 3-րդ նստաշրջանը ողջունում է,
– ՄԱԿ-ի Անվտանգության Խորհրդի հակաահաբեչական ընկերակցություն կազմելու վերաբերյալ որոշումը,
-ինչպես նաեւ այս հարցով Արեւմտյան Հայաստանի Հանրապետության Կառավարության առաջարկը ժողովրդական դիվանագիտության ու պաշտպանության լծակները գործարկելու վերաբերյալ, տարածաշրջանում խաղաղության ու համագործակցության տարածքներ ստեղծելու նպատակով,

Արեւմտյան Հայաստանի Ազգային Ժողովի 3-րդ նստաշրջանը հայտնում է, որ
-հաշվի առնելով, որ Մերձավոր Արեւելքի հայ համայնքները ձեւավորվել են 1894-1923 թթ. թուրքական իրարհաջորդ կառավարությունների կազմակերպած եւ իրականացրած հայերի ցեղասպանության ու բռնագաղթի հետեւանքով,
-հաշվի առնելով, ինչպես Մերձավոր Արեւելքի հայ համայնքներին, այնպես էլ ՀՀ-ին ու ԼՂՀ-ին սպառնացող ներկայի ռազմա-քաղաքական մարտահրավերները,
-հաշվի առնելով, որ Թուրքիայի Հանրապետությունը շարունակում է մերժել ճանաչել Հայերի ցեղասպանության իրողությունը եւ վարում է ժխտողականության քաղաքականություն,
-հաշվի առնելով, որ Հայերի ցեղասպանության կազմակերպիչները Կոնստանդնուպոլսի ռազմական հատուկ ատյանի կողմից 1919 թ. ճանաչվել են մարդկության դեմ ուղղված հանցագործության պատասխանատուներ եւ այդ ատյանի վճռով դատապարտվել,
-որ 1919 թ. Փարիզի վեհաժողովի հատուկ հանձնաժողովը հաշվարկել է 1915-1918 թթ. Արեւմտյան Հայաստանին հասցված վնասի չափը,
-որ 1920 թ. օգոստոսին 10-ին ստորագրվել է Սեւրի պայմանագիրը, իսկ 1920 թ. նոյեմբերի 22-ին ԱՄՆ 28-րդ Նախագահ Վուդրո Վիսլոնը վավերացրել է Իրավարար վճիռ Հայաստանի եւ Թուրքիայի սահմանի մասին,

ինչպես նաեւ հաշվի առնելով,
-որ 2014 թ.-ին ավարտվել է Արեւմտյան Հայաստանի Հանրապետության (Հայաստան) պետական կառույցների ձեւավորումը, այն է՝ կառավարության, խորհրդարանի, նախագահի ինստիտուտի,

Արեւմտյան Հայաստանի Ազգային Ժողովի 3-րդ նստաշրջանը ՄԱԿ-ի Անվտանգության Խորհրդին եւ ՄԱԿ-ի անդամ պետություններին առաջարկում է ՄԱԿ-ի հովանու ներքո, իրավական-քաղաքական գործընթաց սկսել ապահովելու 1919-1920 թթ. կայացված որոշումների ու պայմանագրերի դրույթների իրականացումը, պաշտպանելու եւ հաստատելու համար հայերի իրավունքները Բնօրրանի՝ Արեւմտյան Հայաստանի նկատմամբ:

Արմեն Տեր-Սարգսյան
Արեւմտյան Հայաստանի Ազգային Ժողովի Նախագահ
28.12.2015 թ.

3-րդ նստաշրջանի արձանագրությունը

  • 27.12.2015

Քաղվածք № 1

Արեւմտյան Հայաստանի Ազգային Ժողովի (Խորհրդարանի) առաջին գումարման երրորդ նստաշրջանի արձանագրությունից

27–ը դեկտեմբերի, 2015 թ., Երեւան

Նիստի սկիզբը ժամը 14:00-ին, ավարտը՝ 16:00-ին:

Արեւմտյան Հայաստանի Ազգային ժողովի պատգամավորների գրանցում 13:30-ից 14:00:

Արեւմտյան Հայաստանի Ազգային Ժողովի (Խորհրդարանի) պատգամավորների գրանցում (այսուհետ տեքստում՝ Արեւմտյան Հայաստանի Խորհրդարան):
Ընտրված 64 պատգամավորներից գրանցվել են 54 պատգամավոր, 20-ը դահլիճում եւ 34-ը ինտերնետ կապով, որը կազմում է 95 տոկոս:
Քվորումը ապահովված է:

 

Հնչում է Հայաստանի Հանրապետության օրհներգը:

Բարձրացվում է Արեւմտյան Հայաստանի Հանրապետության պետական ​​դրոշը:

 

Հարգանքի տուրք Սինայի, Փարիզի, Բեյրութի, Մալիի ահաբեկչություների զոհերի եւ ռուսական ռազմական օդանավի օդաչուների հիշատակին, որոնք Սիրիայում պայքարում էին ահաբեկչության դեմ:

 

Արեւմտյան Հայաստանի Հանրապետության Նախագահ Արմենակ Աբրահամյանի ողջույնի խոսքը:

 

  1. Լսեցին՝ Արեւմտյան Հայաստանի Խորհրդարանի 1-ին գումարման 3-րդ նստաշրջանի օրակարգի մասին:

Որոշեցին` հաստատել Արեւմտյան Հայաստանի Խորհրդարանի 1-ին գումարման 3-րդ նստաշրջանի օրակարգը:

 

Քվեարկության արդյունքները.

Կողմ – 54, դեմ – 0, ձեռնպահ – 0:

Որոշումն ընդունված է միաձայն:

 

  1. Լսեցին՝ նստաշրջանի հաշվիչ հանձնաժողովի ընտրության մասին:

Որոշեցին՝ ընտրեցին նստաշրջանի հաշվիչ հանձնաժողով հետեւյալ կազմով՝ նախագահ`Տիգրան Հարությունյան, տեղակալներ՝ Սաիդա Օհանյան, Անուշավան Շահնազարյան:

 

Քվեարկության արդյունքները.

Կողմ – 54, դեմ – 0, ձեռնպահ – 0,

Որոշումն ընդունված է միաձայն:

 

  1. Լսեցին՝ Լրացուցիչ ընտրությունների միջոցով Արեւմտյան Հայաստանի Ազգային ժողովի թափուր պատգամավորական տեղերում նոր պատգամավորների մանդատների եւ լիազորությունների հաստատում:

Որոշեցին`

Համաձայն «Արեւմտյան Հայաստանի պետական կառուցվածքի, Արեւմտյան Հայաստանի Ազգային ժողովի պատգամավորների կարգավիճակի եւ Արեւմտյան Հայաստանի Ազգային Ժողովի կանոնակարգի մասին» Օրենքի՝ 14 Հոդվածի.

ա) Դադարեցնել հետեւյալ պատգամավորների լիազորությունները՝ Ալեքսանյան Սաթենիկ, Ալեքսանյան Դավիթ, Տոզլիյան Կարինե, Ջուլհակյան Տաթեւ, Հովհաննիսյան Հարություն, Հովհաննիսյան Զավեն, ֆոն Բագրատունի Ռոլանդ Ջոզեֆ:

բ) Լրացուցիչ ընտրությունների միջոցով Արեւմտյան Հայաստանի Ազգային ժողովի թափուր պատգամավորական տեղերում նոր պատգամավորների մանդատների եւ լիազորությունների հաստատում. Սանանյան Վարդան, Գրիգորյան Էռնեստ, Խոսրոեվ Ռազմիկ, Խամոյան Ռադիկ, Փոլատով Էդուարդ, Արամյան Հրայր, Մուրադյան Վալերա, Խինոյեվ Դավիթ:

Արեւմտյան Հայաստանի Խորհրդարանի հին կազմի 57 պատգամավորներից քվեարկությանը մասնակցեցին 54-ը:

 

Քվեարկության արդյունքները.

Կողմ – 54, դեմ – 0, ձեռնպահ – 0:

Որոշումն ընդունված է միաձայն:

 

  1. Լսեցին՝ Արեւմտյան Հայաստանի Ազգային ժողովի Նախագահ Արմեն Տեր-Սարգսյանի զեկույցը 2015 թ. կատարված աշխատանքների մասին:

Որոշեցին՝ Հաստատել Արեւմտյան Հայաստանի Ազգային ժողովի Նախագահ Արմեն Տեր-Սարգսյանի զեկույցը 2015 թ. կատարված աշխատանքների մասին:

 

Քվեարկության արդյունքները.

Կողմ – 54, դեմ – 0, ձեռնպահ – 0:

Որոշումն ընդունված է միաձայն:

 

  1. Լսեցին՝ 2-րդ նստաշրջանից հետո ընդունված Օրենքների հաստատում:

Որոշեցին՝ Հաստատել 2-րդ նստաշրջանից հետո ընդունված Օրենքները:

 

Քվեարկության արդյունքները.

Կողմ – 54, դեմ – 0, ձեռնպահ – 0:

Որոշումն ընդունված է միաձայն:

 

  1. Լսեցին՝ Առաջին ընթերցմամբ Արեւմտյան Հայաստանի Հանրապետության Սահմանադրության նախագծի հաստատում:

Ելույթի համար խոսքը տրվում է ԱՀՀ Նախագահ Արմենակ Աբրահամյանին:

Որոշեցին՝ հաստատել. առաջին ընթերցմամբ Արեւմտյան Հայաստանի Հանրապետության Սահմանադրության նախագիծը:

 

Քվեարկության արդյունքները.

Կողմ – 54, դեմ – 0, ձեռնպահ – 0:

Որոշումն ընդունված է միաձայն:

 

  1. Լսեցին՝ Արեւմտյան Հայաստանի Ազգային ժողովի Մշտական հանձնաժողովների հաշվետվությունը կատարած աշխատանքների վերաբերյալ եւ ապագա ծրագրերի հաստատումը:
  2. Որոշեցին՝ հաստատել Արեւմտյան Հայաստանի Ազգային ժողովի Մշտական հանձնաժողովների հաշվետվությունը կատարած աշխատանքների վերաբերյալ եւ ապագա ծրագրերը:

 

Քվեարկության արդյունքները.

Կողմ – 54, դեմ – 0, ձեռնպահ – 0:

Որոշումն ընդունված է միաձայն:

 

Ընդմիջում՝ 16:00-16:30:

Երկրորդ նիստ, 16:30-ից 18:30

  1. Լսեցին՝ Արեւմտյան Հայաստանի Հանրապետության Նախագահ Արմենակ Աբրահամյանի զեկույցը՝ Արեւմտյան Հայաստանի Հանրապետության ռազմավարությունը եւ քաղաքականությունը Արեւմտյան Հայաստանի եւ Մերձավոր Արեւելքի հայության իրավունքների պաշտպանության եւ անվտանգության վերաբերյալ:

Որոշեցին՝ հաստատել Արեւմտյան Հայաստանի Հանրապետության Նախագահ Արմենակ Աբրահամյանի զեկույցը՝ Արեւմտյան Հայաստանի Հանրապետության ռազմավարությունը եւ քաղաքականությունը Արեւմտյան Հայաստանի եւ Մերձավոր Արեւելքի հայության իրավունքների պաշտպանության եւ անվտանգության վերաբերյալ:

 

Քվեարկության արդյունքները.

Կողմ – 54, դեմ – 0, ձեռնպահ – 0:

Որոշումն ընդունված է միաձայն:

 

  1. Լսեցին՝ Արեւմտյան Հայաստանի Հանրապետության Կառավարության Վարչապետ Տիգրան Փաշաբեզյանի հաշվետվությունը 2015 թ. կատարած աշխատանքների վերաբերյալ եւ ապագա ծրագրերի հաստատումը:

Որոշեցին՝ հաստատել Արեւմտյան Հայաստանի Հանրապետության Կառավարության Վարչապետ Տիգրան Փաշաբեզյանի հաշվետվությունը 2015 թ. կատարած աշխատանքների վերաբերյալ եւ ապագա ծրագրերը:

 

Քվեարկության արդյունքները.

Կողմ – 54, դեմ – 0, ձեռնպահ – 0:

Որոշումն ընդունված է միաձայն:

 

  1. Լսեցին՝ Արեւմտյան Հայաստանի Հանրապետության Կառավարության Ներքին գործերի նախարար Մարտիրոս Շահբազյանի, Կրթության նախարար Վրեժ Քոսայանի, Ֆինանսների ու զարգացման նախարար Հրաչ Փիլիոսյանի, ԱՄՆ-ում ԱՀՀ հյւոպատոս Գարո Արմենյանի ելույթները:

Որոշեցին՝ ընդունել ի գիտություն Արեւմտյան Հայաստանի Հանրապետության Կառավարության Ներքին գործերի նախարար Մարտիրոս Շահբազյանի, Կրթության նախարար Վրեժ Քոսայանի, Ֆինանսների ու զարգացման նախարար Հրաչ Փիլիոսյանի, ԱՄՆ-ում ԱՀՀ հյւոպատոս Գարո Արմենյանի ելույթները:

 

Քվեարկության արդյունքները.

Կողմ – 54, դեմ – 0, ձեռնպահ – 0:

Որոշումն ընդունված է միաձայն:

 

  1. Լսեցին՝ Արեւմտյան Հայաստանի Ազգային ժողովի ուղերձի ընդունումը՝ մերձավորարեւելյան նոր իրադարձությունների եւ իրողությունների համատեքստում:

Որոշեցին՝ ընդունել Արեւմտյան Հայաստանի Ազգային ժողովի ուղերձը՝ մերձավորարեւելյան նոր իրադարձությունների եւ իրողությունների համատեքստում:

 

Քվեարկության արդյունքները.

Կողմ – 54, դեմ – 0, ձեռնպահ – 0:

Որոշումն ընդունված է միաձայն:

 

Նստաշրջանը ավարտեց աշխատանքները:

 

Արմեն  Տեր–Սարգսյան`

Արեւմտյան Հայաստանի Ազգային Ժողովի (Խորհրդարանի) Նախագահ

 

Դիանա Գրիգորյան`

Արեւմտյան Հայաստանի Ազգային Ժողովի (Խորհրդարանի Քարտուղար

 

27.12.2015 թ.

Երեւան